حاجات واجعاني !!!!

[sawsan m alhassn]

اخير الزول يكون بعيد ويسد دي بطينة ودي بعجينة ويكون اطرشا في الزفة ... من وجع البطن وحراق الروح ... وكل يوم افتح لي جريدة بطني بتطم .... ولا اجرؤ ان افرغ مافي جوفي حتي لا اتهم بالحياة ...

ناس الراي العام يوم تلاتة في شهر تسعة الفات دا بكل فرح كاتبين خبر علي استحياء السودان حا يشحد اقصد حا يستورد كهرباء من اثيوبيا ... سجم خشمي وطيب سد مروي دا شنو قادننا سنين مروي الحلم مروي الانجاز مروي ال...... ولمن الناس طلعت تكورك تراثنا ... حضارتنا ... نهرونا يا جماعة الحي ابقي من الميت اصنام شنو دي كهربا دي تنمية دي حا نبيعها لافريقيا والعالم عشان نجيب ليكم هدوم العيد اقصد عشان نجيب ليكم عملة صعبة ويوم اوكامبو قال الراجل دا مجرم قام ينطط فينا حمانا النوم الرد الرد كهربا وسد ما تقولوا الراجل كضاب حاشاهو السد عملوا سد نفسنا من الدنيا الا الكهرباء دي بقت حجوة ام ضبيبينة والليلة حايم بالفريق بيشحد فيها من اثيوبيا وين .... الرماد كالنا ... القاعدين منتظرين الضبح .....

ما بزيدكم ... كدا كفاية عشان النوم دا يطير من عيونكم الليلة ...


لكن اكيد بكرة راجعه ليكم بوجع بلد كامل .... راجي اليدخل اصبعو في جوفو ويقول اااااااااع .... تقدروا ؟؟؟؟

[onlinesudan.net]

حذف للتكرار

[سارة يوسف]

سوسن محمد الحسن
ويييييييييييينك
ودى بتختلف عن وينك
بركة البشير مشى يشحت فى الكهربا ,,عشان انتى تظهرى
الجرح إلتهب من نيران السدود ,,وانتى يا سوسن جيتى تحشى الجرح ملح
الله يسامحك
هى السدود إن بقى عندها فايدة برضك ما عايزنها ,,كمان بلا فايدة
ووب علىّ من الإنسان النوبى ,,, وكررر علىّ من وضعه
دايرين يطردوه من ارضه ويشيلوه مخلاية فى كتفه ويسكنوه مع البساس فى
ضواحى الخرتوم,, ويمشى يبيع المشابك وبكلات الشعر
وارضنا تغرق ,, وجدودنا ال راقدين تحت الارض نقول ليهم شنو يوم الحشر
وقلتى شنو يا سوسن:
عايزانا ما ننوم ,,ابشرك يا اختى خلقة ما فى نوم
ونتلاقى يا سوسن
وعلى فكرة
نكشت بوستاتك كلها
هنا
وهناك ,, فى المنتدى التانى داك ,,اسفيرى لكن لذيذ
وعجبنى قلمك الحلو ,, يقطر عسل
وترى انا ساكنة قريب
فى المنبر العام

و......
عوداً حميداً
ومسا البداية والتواصل

اختك سارة يوسف

[sawsan m alhassn]

اقتباس:
أرسل أصلا بواسطة onlinesudan.net http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44967#post44967)



عودة سعيدة

شكرا يا اولاينسودان نت علي المجاملة الرقيقة بس اصبعك لي تحت مالو واجعك

[sawsan m alhassn]

اقتباس:
أرسل أصلا بواسطة سارة يوسف http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44969#post44969)

سوسن محمد الحسن
ويييييييييييينك
ودى بتختلف عن وينك
بركة البشير مشى يشحت فى الكهربا ,,عشان انتى تظهرى
الجرح إلتهب من نيران السدود ,,وانتى يا سوسن جيتى تحشى الجرح ملح
الله يسامحك
هى السدود إن بقى عندها فايدة برضك ما عايزنها ,,كمان بلا فايدة
ووب علىّ من الإنسان النوبى ,,, وكررر علىّ من وضعه
دايرين يطردوه من ارضه ويشيلوه مخلاية فى كتفه ويسكنوه مع البساس فى
ضواحى الخرتوم,, ويمشى يبيع المشابك وبكلات الشعر
وارضنا تغرق ,, وجدودنا ال راقدين تحت الارض نقول ليهم شنو يوم الحشر
وقلتى شنو يا سوسن:
عايزانا ما ننوم ,,ابشرك يا اختى خلقة ما فى نوم
ونتلاقى يا سوسن
وعلى فكرة
نكشت بوستاتك كلها
هنا
وهناك ,, فى المنتدى التانى داك ,,اسفيرى لكن لذيذ
وعجبنى قلمك الحلو ,, يقطر عسل
وترى انا ساكنة قريب
فى المنبر العام

و......
عوداً حميداً
ومسا البداية والتواصل

اختك سارة يوسف



سرورة العزيزة

سلامات

شكرا لرقيق استقبالك وجميل اللقاء

برضو متابعة كتاباتك الجريئة
واسلوبك المتميز
يا ريت الوجع يسمح بالكتابة
عشان نتلاقي
لنا لقاء

[abu sahar]

وافتقدناك كثيرا يا أصيلة ....
أبو سحر

[onlinesudan.net]

حذف للتكرار

[sawsan m alhassn]

اقتباس:
أرسل أصلا بواسطة abu sahar http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44977#post44977)
وافتقدناك كثيرا يا أصيلة ....
أبو سحر



شكرا العزيز ابو سحر يا من تهوي تطريز ايامنا بالفرح

[الوسيله عباس]

أشرقت وأنورت....

[sawsan m alhassn]

اقتباس:
أرسل أصلا بواسطة الوسيله عباس http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44981#post44981)
أشرقت وأنورت....


شكرا يا وسيلة بس يا اخوي الكلام دا مالو شوية خلاص كلامك كمل

[منير حسن منير]

يا سوسن ،،، نورتي بالحيل ،، انتي كنتي وييييين؟
طوالي دخلتي شمال وكمان بالـ( الطُرررراش ) ؟ نحن ناقصين طُمام ؟ لكن جنس طُمامنا ده ، لا ليمون ، لا حرجل ، لا برتكان ما يفكنا منه ،،،، أها عندك لينا حُبوووووب ؟ ان شاء الله بتاعة ملاريا !!!!!


Kalaa kagan

[gassoum]

أسفرت وأنورت
ومرحبتين حبايك زاد المنتدى جمال وطيب
عودا حميدا يا متألقة,,,, ذات القلم الانيق ،،،

[sawsan m alhassn]

اقتباس:
أرسل أصلا بواسطة منير حسن منير http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44984#post44984)
يا سوسن ،،، نورتي بالحيل ،، انتي كنتي وييييين؟
طوالي دخلتي شمال وكمان بالـ( الطُرررراش ) ؟ نحن ناقصين طُمام ؟ لكن جنس طُمامنا ده ، لا ليمون ، لا حرجل ، لا برتكان ما يفكنا منه ،،،، أها عندك لينا حُبوووووب ؟ ان شاء الله بتاعة ملاريا !!!!!


Kalaa kagan


منير العزيز شكرا لترحيبك ... طمامنا دا الا حنضل يفكوا لينا

[sawsan m alhassn]

اقتباس:
أرسل أصلا بواسطة gassoum http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44985#post44985)
أسفرت وأنورت

ومرحبتين حبايك زاد المنتدى جمال وطيب
عودا حميدا يا متألقة,,,, ذات القلم الانيق ،،،



شكرا ليك يا رايع علي مرورك البهي وترحيبك الابهي

[sawsan m alhassn]

من سودان تريبيون:
Sudan completed on friday the installation of the last tower in a electricity linkage project in order to import electric power from ethiopia starting from next year.

By 2010, ethiopia will generate more than 4,000 megawatts, enabling the country to provide 50 percent of its 80 million people with electricity, and export electricity to sudan and djibouti in a first time and kenya in a second phase after the implementation of an ambitious multimillion –dollar plan to produce power.
الترجمة:
أكمل السودان يوم الجمعة تركيب آخر برج في مشروع ربط الكهرباء ليستورد الطاقة الكهربائية من أثيوبيابدءا من العام القادم.

و بحلول عام 2010 ستنتج أثيوبيا أكثر من 4 ألف ميقاوات و بها يمكن للبلاد من توفير ل 50% من عدد سكانها البالغ 80 مليون نسمة بالطاقة الكهربائية و تصدير الكهرباء الي السودانو جيبوتي في المرحلة الأولي , و كينيا في المرحلة الثانية بعد تنفيذ خطة طموحة تكلف ملايين الدولارات لإنتاج الطاقة

[الوسيله عباس]

شكرا يا وسيلة بس يا اخوي الكلام دا مالو شوية خلاص كلامك كمل
__________________

حبه حبه علىْ يا ملوانى,,,,,المهم لو ما رجعتى كنا برضو

طلبنا زيادة كهربا للمنتدى اصلو كان ضلم كنا مشغلين

المنتدى بلمبه واحدى وخط 110 ,,,ما شايفه الالعاب

الناريه ....؟؟؟!!!!!

[سوزان شينكو]

منتدانا نور .... واهني الجميع بعودة النكهة الأصلية للمنتدى

عادت سوسنه الى المنتدى وعادت سيدة القلم الراقي والمميز إلى مكانها الطبيعي بيننا بعد طول غياب والعود احمد ...

ودمتم جميعاً في حفظه

[Zomrawi Alweli]

بسم الله
كوووون الهير

مين البهبت الباب؟؟؟؟

مين؟؟؟؟؟؟؟

سوسن؟؟؟؟؟؟؟

الليلة وينو الليلة وينو الزول؟؟؟؟

كنت وين يا سوزي؟؟؟

والله عادت ومعاها شوية حاجات من كوووووووهرباء السد..

السد السد
عايزين نرتد
جاهزين للحد
الرقبة تمتد
لا تلوموا الود
ما خلاص ارتد
والحر اشتد
ويجينا الغد
لنحرق الند


والله بعودتك اصبح شيطان الشعر يغازلنا

عودا حميدأ
ولك التحية وخليكي بعيدة من الوسيلة

[sawsan m alhassn]

اقتباس:
أرسل أصلا بواسطة سوزان شينكو http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44998#post44998)
منتدانا نور .... واهني الجميع بعودة النكهة الأصلية للمنتدى

عادت سوسنه الى المنتدى وعادت سيدة القلم الراقي والمميز إلى مكانها الطبيعي بيننا بعد طول غياب والعود احمد ...

ودمتم جميعاً في حفظه



سوزان العزيزة لك كل الود والامنيات الطيبة وكل سنة وانت طيبة اشكرك كثيرا علي سؤالك الدائم عني واشكر لك قلمك الذي ما تواني يوما وواصلتي النضال لك في القلب منازل وقدر جليل
دمتي بكل الود

[sawsan m alhassn]

اقتباس:
أرسل أصلا بواسطة Zomrawi Alweli http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45005#post45005)
بسم الله

كوووون الهير

مين البهبت الباب؟؟؟؟

مين؟؟؟؟؟؟؟

سوسن؟؟؟؟؟؟؟

الليلة وينو الليلة وينو الزول؟؟؟؟

كنت وين يا سوزي؟؟؟

والله عادت ومعاها شوية حاجات من كوووووووهرباء السد..

السد السد
عايزين نرتد
جاهزين للحد
الرقبة تمتد
لا تلوموا الود
ما خلاص ارتد
والحر اشتد
ويجينا الغد
لنحرق الند


والله بعودتك اصبح شيطان الشعر يغازلنا

عودا حميدأ
ولك التحية وخليكي بعيدة من الوسيلة





ابو الزمر لك التحية وكل سنة وانت طيب
يا اخوي شيطان شعرك دا ارهابي ولا شنو ؟؟؟ سيوف ورقاب طايرة وكدا

وبعدين تعال هنا اكون بعيد من الوسيلة اقع وين ؟؟؟

[sawsan m alhassn]

شَهدت مناطق متفرّقة من ولاية الخرطوم أزمة حادة في المياه بلغ العجز في بعضها الى (90%).
وعزا قسم اللّه الطيب مدير مكتب هيئة مياه أم بدة استمرار انقطاع المياه لمدة (4) أيام لتراكم الطمي في محطة المقرن، وقال إنّ العجز يَصل في مناطق حمد النيل والراشدين وأم بدة الحارات (9)، (7) و(5) بنسبة (90 %). فيما أرجعت الإدارة العامّة لهيئة مياه ولاية الخرطوم أسباب استمرار انقطاع المياه الى ارتفاع تكلفة الكهرباء، وقال ماهر عثمان المتحدث باسم الهيئة إنّ الطمي وارتفاع تكلفة الكهرباء وراء تراجع الإمداد وعودة الانقطاع في عدد من المناطق، وأكّد بأنّ العمل جارٍ في تطهير المنطقة وعودة الإمداد في غضون ساعات في كل المناطق. وشهدت مناطق عديدة بولاية الخرطوم ازمة في إمداد المياه بمحلية الكلاكلات والصحافة وجبرة وفي محلية بحري بشمبات، بينما شهدت أم بدة بأم درمان أزمَة حادة وصل سعر برميل المياه إلى (24) جنيهاً.

صحيفة الرأى العام
التاريخ: الخميس 17 سبتمبر 2009م

[sawsan m alhassn]

الخبر اعلاه ... قاتل محير غريب

انقطاع االموية بسبب غلاء الكهرباء
ناس الموية بيشتروا الكهربا كمان
يعني الحكومة بتشتري من نفسها
سجمي !!! يعني الكلام القبيل قالوا انو الوزارات دي اقطاعيات اي زول بيبيع لاي زول ما بتاع الموية داير حقو وبتاع الكهربا كمان

اااااااااااااخ يا بلد ما بقدر اقول ااااااااااااااااااااع بتقدروا ؟؟؟؟

[اركماني]

ااااااااااااااااااااااااااااااع :d ...
علامات الاندهاش عندي بلغت الزروة لصمت هذا الشعب المغلوب علي أمره ..
لماذا لا يتظاهرون .. أي وجعٍ هذا .. زل وخنوع وارهاب وتكبيل ... تمكن الدجل والكجور واستفحل !!!

[sawsan m alhassn]

اركماني ايها العزيز تحياتي وكل عام وانت بخير
احترنا كثيرا لامر هذا الشعب ... كان الله في عونه

[منير حسن منير]

سوسن ... أولاً : آآآآآآآآآع ، ثم ، آآآآآآآآآآع كمان مره !
تانياً : على قولك : سجمي !! المويه كمان ؟؟ يبقى ناسي الفي الخرطوم بيشربوا طين ! الكهرباء من أثيوبيا ،، والمويه من الآبار ،، ونحن أكتر من عشرين نهر محاوطننا من كل الجهات ! والخزانات تسد شمس الضُحى . والناس تكورك عاوزين مويه ،، أدونا كهربا . وكله بي تمنه ، يعني مجان مافي . دفع مقدم ( رُباعي الدفع ) وبي قروشك برضُو ما لاقي لا مويه لا كهرباء .

مسمار نُص :
أقترح انو نأجر السودان لي للكوريين ، نرجع بعد تلاتين سنه نخربو تاني .

[د. مرتضى عباس]

سوسن
سلامات
مشتاقييييين
انت وين؟؟؟؟؟؟؟؟؟؟
اسم الله عليك من الطمام دة
عندنا الحقن ولو بتخافى الكبسولات
كل التحايا لك والود

[Nuraddin Mannan]

سوسن
غيبة طويلة وعودة قوية
قلنا "طاقة" شمسية قالوا:" ولا نفاج" من امريكا
عسعس الليل وناااااااما واكتسى السودان ظلامـاااااااا...
خليهم يجيبو الموية من جبل"موية" القريبة من الخرطوم..
ويوزعو عليهم كيروسين (جاز) من عوض "الجاز" وحيظهر ليكم فجأة كوز بزنقلة يستورد مليون لمبة جاز من الصين ويبيعها فى السوق "الأسود" وفجأة تعود الكهرباء فى منتصف الليل والناس نيام ثم تنقطع مع تباشير الصباح بعد ان تترك رسالة تقول" حضرنا ولم نجدكم"

مرحبتين سوسن بعودتك عاد النور الى المنبر بعد طول انقطاع ومش محتاجين لنور من مروى تانى...والعود احمد ومحمد وفاطمة ومرتضى كمان...

[sawsan m alhassn]

اقتباس:
أرسل أصلا بواسطة منير حسن منير http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45045#post45045)
سوسن ... أولاً : آآآآآآآآآع ، ثم ، آآآآآآآآآآع كمان مره !
تانياً : على قولك : سجمي !! المويه كمان ؟؟ يبقى ناسي الفي الخرطوم بيشربوا طين ! الكهرباء من أثيوبيا ،، والمويه من الآبار ،، ونحن أكتر من عشرين نهر محاوطننا من كل الجهات ! والخزانات تسد شمس الضُحى . والناس تكورك عاوزين مويه ،، أدونا كهربا . وكله بي تمنه ، يعني مجان مافي . دفع مقدم ( رُباعي الدفع ) وبي قروشك برضُو ما لاقي لا مويه لا كهرباء .

مسمار نُص :
أقترح انو نأجر السودان لي للكوريين ، نرجع بعد تلاتين سنه نخربو تاني .



منير العزيز التحايا النواضر

والله يا منير في راي المتواضع بدل الايجار بيع عديل واي زول ياخد حقو احسن وانتو المغتربين حقكم بنرسلوا ليكم كهربا كيف ؟؟؟

[sawsan m alhassn]

اقتباس:
أرسل أصلا بواسطة د. مرتضى عباس http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45046#post45046)
سوسن
سلامات
مشتاقييييين
انت وين؟؟؟؟؟؟؟؟؟؟
اسم الله عليك من الطمام دة
عندنا الحقن ولو بتخافى الكبسولات
كل التحايا لك والود



الرائع المتألق دوما دكتورنا مرتضي

الاشواق تسبقها امنياتي لك بالخير والصحة دائما

والله يا دكتور حقن الدنيا كلها ما تودر طمام الجماعة ديل

[sawsan m alhassn]

اقتباس:
أرسل أصلا بواسطة Nuraddin Mannan http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45053#post45053)






مرحبا امير كوش

وسعدت بمرورك في ظلمات الانقاذ وعطش اهلك في السودان

الواجعني يا سيادة السفير حاجة واحدة بس سد لا بيجيب كهربا ولا بيسقي زرعة لا بيمسك موية يودوا وين ...؟؟؟؟ قوا انت بقي علي راي عادل امام

[محمد عثمان بشير]

الاخت سوسن
بس نقول ليكى حمدلا على السلامة

[sawsan m alhassn]

اقتباس:
أرسل أصلا بواسطة محمد عثمان بشير http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45067#post45067)
الاخت سوسن
بس نقول ليكى حمدلا على السلامة


الاخ محمد عثمان بشير كل سنة وانت طيب

شكرا ليك علي مرورك والله يسلمك

[mustafa]

الاخت الفاضلة سوسن ..
عوداً حميداً لبيتك ومنتداكِ .
عوداً جميلاً لنبض الحروف الرائعة والمعبرة ..
أسعدتنا والجميع عودتك القوية كعهدنا بك دائماً .
حمد الله ألف على السلامة ..

[sawsan m alhassn]

العزيز جدا مصطفي
كل سنة وانت فينا الخير
ولك الصحة والعافية
اشكر لك نسيجك الحريري للكلمة المرحبة
واشكر لك مرورك البهي
مودتي

[sawsan m alhassn]

مظاهرات عارمة تغلق طريق الخرطوم - مدني لساعات..بعد ان فاض صبرهم..المواطنون المحتجون أحرقوا الاطارات في الطريق وهجموا على مكتب الهيئة

شهدت منطقة (ألتي) بولاية الجزيرة أمس أحداث شغب أدت الى إغلاق طريق الخرطوم - مدني لساعات بعد أن أضرم المواطنون النار في إطارات السيارات احتجاجاً على انقطاع التيار الكهربائي بقرى المنطقة طيلة أيام عيد الفطر المبارك.
وقال شهود عيان إنّ المتظاهرين تهجّموا على مكتب الهيئة القومية للكهرباء بالمنطقة، الذي كان من المفترض افتتاحه اليوم وألحقوا به أضراراً ورشقوا أفراد شرطة المرور بالحجارة، فيما قال اللواء محمد الطاهر فضل مدير دائرة المرور السريع، إنّ أحداث (ألتي) أدت الى تأخير الأفواج نحو (3) ساعات عن وقتها المحدّد.
وذكرت مصادر مطلعة أنّ الشرطة اعتقلت أكثر من (30) شخصاً بتهمة أحداث شغب في الطريق العام والإخلال بالأمن وازعاج السلطات بعد قيامهم بإغلاق الطريق وإضرام النار في الإطارات ورشقهم للسّيّارات بالحجارة احتجاجاً على انقطاع الكهرباء عن قراهم بصورة متقطعة في شهر رمضان ومستمرة خلال أيام العيد، وكان الاعتقال أثار حفيظة المزيد من أبناء المنطقة، فيما أُطلق سراحهم لاحقاً بعد إنجلاء الأزمة وتدخل عدد من الحكماء والمسؤولين من أبناء المنطقة.
وبدأت الأحداث في التاسعة والنصف من مساء أمس الأول وتواصلت حتى نهار أمس الثلاثاء، وقال مواطنون استطلعتهم «الرأي العام» أمس، إنّ المنطقة عَانَت الانقطاع المستمر للإمداد الكهربائي خلال شهر رمضان واستمر الانقطاع طيلة الأيام الثلاثة الفائتة، وأشاروا إلى أن المنطقة بها محول كهربائي واحد لا يفي بحاجة كل القرى ونتج عن ذلك زيادة في الحمولة على المحول. إلاّ أنّ مصادر ذكرت لـ «الرأي العام»، أنّ الخط المقصود (خط 33) مُخصّص لسعة محددة تبلغ (50) قرية، إلا أنها تجاوزت العدد لتبلغ أكثر من (130) قرية، مما تسبّب في الضغط على الخط ما أدى إلى تعدد الانقطاع الذي سبّب أضرارا كبيرة على الأجهزة الكهربائية. وأضافت المصادر أنّه تمّ تكوين لجنة من المنطقة والمحلية ضمت عبد الله محمد علي مستشار الوالي، محمد بشير نائب المعتمد، اليسع عبد الله عبد القادر نائب أمين المؤتمر الوطني وفتح الرحمن الباهي على رأس ممثلين للجنة الشعبية، واجتمعت اللجنة مساء أمس بممثل المدير العام للكهرباء في الخرطوم وتوصّلت لاتفاق يقضي بتشييد محطة ذات سِعة كبيرة تخدم كل قرى المنطقة وفتح مكاتب للخدمات في كل قرية نسبةً لوجود مكتب واحد بمنطقة المسيد فقط وستحدد اليوم أسماء المناطق، إلى جانب فتح مكتب متكامل للطوارئ لمباشرة الأعطال، وذكرت المصادر أنّ التنفيذ سيبدأ اليوم.
وتسعى السلطات إلى وضع اقتراح تقنين أوضاع الورش العشوائية على أرض الواقع لتفادي الحمولة الزائدة التي تُؤثِّر سلباً على الإمداد الكهربائي، وذكرت مصادر أنّ الوضع عاد كما كان هادئاً بعد تأمين الشرطة للأسواق والمتاجر ومكاتب الهيئة القومية على طول الطريق من المسيد حتى البشاقرة بنشر قواتها، فيما تَمّ فتح بلاغات ضد المُتسبّبين في أحداث الشغب، واتخذت الإجراءات الكفيلة بضبط الأمن وتحقيق سلامة العابرين بالطريق القومي، وأكّد مصدرٌ شرطيٌّ أنّ الموقف تحت السيطرة وأنها ستتعامل مع الأمور حسب مقتضيات الظروف.
الكلام دا في يوم 22سبتمبر 2009م

[sawsan m alhassn]

طبعا الكلام دا كلو يحرق الزول في قلبو .... ويؤكد الخدعة الكبيرة التي تغني لها الشعب السوداني علي نغمات الانقاذ مروي الحلم القاتل .... والله كل ما يحيرني هو سؤال واحد لماذا تم تشييد سد مروي لماذا ؟؟؟؟ طبعا نحن متفقين انو السد دا ما بيجيب كهربا ونشف الموية وضلم الدنيا وما بيسقي الزرع .... طيب لماذا سد مروي لماذا

اااااااااااااااااااخ يا بلد .... مع الحرقة ووجع القلب واللقمة اللاصقة في الحلق مابية تنبلع ومابية ترجع وما قادرين ندخل اصبعنا في الحلق المجرح ونقول اااااااااااااع ما بنقدر في زول بيقدر ؟؟

[سارة يوسف]

صباح الخير يا سوسن
روحى حرّقتنى وانا انتظر شروق الشمس
اخيراً شرقت
ان شاء الله شرقت عندكم يا سوسن ؟
عشان انا عارفة البلدان المكلومة شمسها دايما فى حالة غروب
ونسماتها بتكون رياح موسمية جااااافة تُثمر الحنضل وتطرح الشوك
طولتى ما ظهرتى ,,قلت الفح عبايتى واسأل عنك ,,عشان الرسول( ص)
وصى على الجار ,,وانتى اقرب واحلى جارة
مسؤولة من الخير ,,الكهربا جات و لا لسه !!!
جاية كدارى و لا بالإيميل !!!
عارفة يا سوسن اختك سارة تحب مراقبة الناس ,,حتى فى اى مطار
كل وجه ارسم له لوحة وقصة
بس الوجوه فى السودان ,,كانت اتعس الوجوه على الاطلاق
صّرة الوجوه خرافية ,,الحزن المعشعش فى القلوب تلقيه باااين فى النظرات
احيانا تلقى ناس عيونها زى عيون السمك
فقدت البريق
فقدت الامل
فقدت الدهشة

الغريبة يا سوسن الحريم كل يوم بيولدوا
تلقيح صناعى و لا كيف !!!
النبى ,,الرسول يا سوسن تعالى انتى بى غادى
فى موية ونتونس فى الضلام
البوست حقك قوى شديد ,,سارة وصديقاتها ما بيقدروا يدخلوا بوستات زى دى
بس جيت اقول سلام يا غالية

سارة يوسف

[ابو فارس]

بسم الله الرحمن الرحيم


بنات اخواتي

ازيكن

كلنا وجعانين والحل شنو ؟؟؟؟

كلامكن جميل لكن عايزة تفعيل

زيدونا مما اعطاكم الله من فضله


شاكرين ومقدرين

[نزار المجرى]

طبعا الكلام دا كلو يحرق الزول في قلبو .... ويؤكد الخدعة الكبيرة التي تغني لها الشعب السوداني علي نغمات الانقاذ مروي الحلم القاتل .... والله كل ما يحيرني هو سؤال واحد لماذا تم تشييد سد مروي لماذا ؟؟؟؟


سوسن

هسي يعني نفهم من كلامك ده إنو ....




الكهرباء حتتكلم حبشي http://www.alnilin.com/vb/images2/abc3.gif

طيب لما أجي أعبي الجمرة الخبيثة :

حتكون مكتوبة بالحبشي والا العربي ؟؟؟

وطيب إذا كانت حبشية .. حندفع بالجنيه السوداني والا العملة بتاعتهم ( ألأ عملة الحبشة شنو ؟؟ )


وطيب حتقطع حسب توقيت الحبشة والا حسب توقيت السودان http://www.alnilin.com/vb/images2/abc7.gif



وطيب...هل اعمدة الكهرباء والسلوك بتستحمل التيار الحبشي داhttp://www.alnilin.com/vb/images2/abc10.gif

وطيب...

لمن افتح الرادي حا يقول هنا امدرمان و لا هنا الحبشةhttp://alnilin.com/vb/images/icons/icon10.gif

والله سوسن انا قلت دى غنية جديدة طلعوها فنانات الانقاذ

على وزن ( الجبنة حلوة حبشية .. الما صفقت ان شاء الله ما يعرسوها



يعرسوها

والمتزوجة (((((تتطلق))))).. )

[sawsan m alhassn]

نزار العزيز

كما قال احد العامة واصفا سد مروي لصديقه بعد خروج كهربائه من الشبكة
اسمع يا خينا السد دا اكبر ماسورة من مواسير الانقاذ

عارف يا نزار اريت كلام الكهربا دا يطلع صاح كان حبشية ولا هندية
ما تكون حنك جديد
حا يكون عندنا كهربا متعددة الجنسيات والالوان
كهربا اسامة
كهربا الروصيرص
كهربا الحبشة
يعني ممكن تشكل يا نزار
بي عشرة كهربا اسامة
وبي خمسة كهربا الدمازين
وبي عشرين الكهربا الحبشية لانو فيها بخور

معلومة ملح : عملة الحبشة البر الاثيوبي

[نزار المجرى]

يعني ممكن تشكل يا نزار
بي عشرة كهربا اسامة
وبي خمسة كهربا الدمازين
وبي عشرين الكهربا الحبشية لانو فيها بخور








منو المجنون يكون عندو خيار كهرباء حبشية يمشي يشتري ليه كهرباء سودانية ؟؟؟


الي حين وصول الماس الحبشي للسودان نرجو من الناس تراجع اسلاكها وتوصيلاتها




بعد السدود

تجينا من أشباه أموات الأخدود هو أبرهة ده كان سوداني ولا شنو .

[سارة يوسف]

سوسن ونزار
وسارة
ده اظنه مثلث برمودا

وبي عشرين الكهربا الحبشية لانو فيها بخور

هل الكهربا الحبشية مرغوبة للدرجة دى !!
الكهربا السودانية
تنور من هنا الين الموردة ,,العباسية ما معانا
الي حين وصول الماس الحبشي للسودان نرجو من الناس تراجع اسلاكها وتوصيلاتها
آآل ماس حبشى آآل
ما سمعت عبد العزيز المبارك قال جارى ورا السراب
وانا بقول ليك لازم الاسلاك تكون من النحاس ,,لانها بتستحمل الفولتات العالية

سارة يوسف

[منير حسن منير]

اقتباس:
أرسل أصلا بواسطة نزار المجرى http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=45238#post45238)


منو المجنون يكون عندو خيار كهرباء حبشية يمشي يشتري ليه كهرباء سودانية ؟؟؟
الي حين وصول الماس الحبشي للسودان نرجو من الناس تراجع اسلاكها وتوصيلاتها

والله ،، وبالله ،،، وتالله : ده أحللللللللى تعبير سمعته أو قريته مما انضميت للنادي ده !! يا مجري يا سرييييييع ، انت الكلام ده جبتو من ويييين ؟
من راسك ، ولا من كراسك ؟ لكن كلامك خطييييير ... والأخطر منه كلام ساره ( فورملا ون ) كما أسميها ،، والي قالت ( لازم السلوك تكون نحاس ) !!

[سارة يوسف]

منير حسن منير
صباحك خير يا باشا
ما عارفة ليه دائما سلامى ليك بيكون عبر بوستات الناس
( ترى دى مجرد ملاحظة عابرة )
قلت كلام نزار احلى كلام عشان إختار الكهربا الحبشية :rolleyes:
الظاهر الكمبيوتر حقك فى المكتب:D
انت ما درست فى الفيزياء انو النحاس موصل جيد للكهربا عشان كده
بيعملوا منه الاسلاك والتوصيلات ;)
راجع مقرر الفيزياء عشان ما تقول سارة خرفت
وتحياتى ( عبر الفضاءات دائما )
سارة يوسف

[gassoum]

ياقرايبنا أهأ .. أها..
سلام
الشغل دة ما كهرباء حبشية !!!! انتو قطركم لسع في الخط متاكدين ؟؟؟
طيب ما تدوا البن الحبشي طلة !!!! ببخورها ونجيلها وقعدتها ... أها... أها ..
توفيق فضل جبنة !!!

[ABARJAD]

أخخخخخخخخخخخخخخخخخخخخخخخخخخخخخخخخخخخخخخخخخخخ
أُووووووووووووووووووووووووووووووعععععععععععععععععع عع

[نزار المجرى]

منير اخوى

البلد بقت فاكه ساااااااااااااااى


وانت ماعارف الكهرباء دى فولتو عالى جدا يامنير
بالذات الجاى من بره سلوكنا دى مابتستحملها ساااى
وساره دى مفتحه تفتيحه قالت ليك السلوك لازم تتغير
والماس الحبشى دا البينطرب بيه الله قال بى فولوا

مااحسن من كهربتنا اقل حاجه دى كهرباء تجيك راقص وموزون مع الجبنه الحبشيه
والله ياقسوم

شغلنا دا كهرباء اوانت راجع مقرر الفيزياء حتعرف برااااااك
ويعدين البخور والنجيله والونسه داهنااااك فى
شارع عبيد ختم ياى فى حديقه ح ب ي ب ى م ف ل س

[sawsan m alhassn]

يا فرد قلبتو البوست قعدة وبخوركم يجيب الطاش
صلحوها معانا شوية يا ناس
وشوفوا لينا حل
اها قطعت
اييييييييييه جات
قطعت
جات
قطعت:rolleyes:

[Zomrawi Alweli]

قال شاعرنا عبدالاله

أظننتَ حقاً
انَ شعبَك سوفَ يتلو
سورةَ الوالي صباحاً
ثم يخْتمُ بالدُعاء

الى متى سيظل سوداننا يستورد ويستور -
وقد احتفل اهل الحكم ان عمر تصدير البترول اصبح ثمانية
الى متى ونحن عطاشا
وقد شق المولى ارض السودان كله مجاري مياه عذبة
الى متى ونحن سكان الظلام
ونحن شعب غير مستهلك للطاقة الا قليلا اما كان يكفينا الروصيرص.

[منير حسن منير]

يا سوسن ... ويا فِرد كما قالت ،، نرجع البوست لي بكانه الإنحرف بيهو المجري السريع ده ، وأنا لما قلت دي تعبيرات حلوه قصدت ( والله ) إنها جميله فعلاً وكل واحد و ( نيَته ) يا مجري .
وعلى قول على ابراهيم : نحن ناس بنعيش حياتنا الغاليه بالنيَه السليمه ،،،، وكل زول دايرين سعادتو تشهد الأيام عليمه .
مـــــا عليييييييينا . نخُش في الموضوع : قبل سنوات أولاد أخواتي وأخواني كانوا في الخرطوم لما المويه تجي في الحنفيات عندهم ( أغنيه جماعيه ) كورال جماعي مدوزن مظبووووط ( بس ناقصه محمديه !! ) بيرددوا : المويه جات ،،، أملوا الباغات ،،،، المويه جات أملوا الباغات .
ثم تمَ تحوير كلمات الأغنيه في وقت لاحق الى : الكهرباء جات بالعجلات .. المويه جات ،، أملوا الباغات . والعلاقه تحتاج الى توضيح للـ( القادين ذكاء ) وهي ان وجود الكهرباء يعيد الحياة الى الموتورات بتاعة المويه الشغاله بي الكهرباء وبتشغيلك للموتور ، تقوم تسحب المويه الفي مواسير الشارع كله وتخلي جيرانك الما عندهم موتور يلعنوا سلسفيل جدود اللي خلفوك ( ... درس عصُر مجاني ) ، والغريييييب انه منذ ذلك الزمن البعيد ولايزال الموال مستمر والمسلسل زي المسلسلات التركيه ، ماعندها نهايه ، تجي المويه ،، تقطع الكهرباء ،،،، تجي الكهرباء ،، تقطع المويه . وعندنا النيل ، والمستفيدين منه ( غيرنا !! ) ،، وعندنا الروصيرص ، وسنار ، ومروي ، والمحطات الحراريه والبخاريه والبي الفحم ، وشي بالديزل ، وشي ما بعرفو بي شنو داك ( على قول الفاتح جبره ) .حاجه تحِير ،، مُش كده ؟!!

مسمار نُص :
يا قسوم ،، تمت الناقصه : القعده حبشيه ، والبُن حبشي ، والكهربه حبشيه ، والسلوك نحاسيه ويايي بليدنا وكلنا أكوان . :p :D

[نزار المجرى]

فرد قلبتو البوست قعدة وبخوركم يجيب الطاش
صلحوها معانا شوية يا ناس
وشوفوا لينا حل
اها قطعت
اييييييييييه جات
قطعت
جات
قطعت



حاجه تحِير ،، مُش كده ؟!!

منير حسن منير سوسن
معلبش بس


سواااال تانى

بصراحة نحن بيتنا كبير و عاوز أوصل الكهرباء الحبشية دي

حق يكفله لي الدستور

المحلل كم
..... سوري قصدي هل ممكن يصرحوا ليك بأكتر من أربعة خطوط ولا بس مثني أو ثلاث أو رباع

أها و بدونا كم كيلو في اليوم ....
السؤال دا مهم

[منير حسن منير]

أها ،،، قولكم شنو بعد ما مكاوي ــ مديرالكهرباء المعزول ــ ( فتااااهو ) وقال كهرابة الرد ،، الرد ،، السد السد ، لن تدخل الشبكة القومية إلا ( إذا دخل الجمل في سم الخياط ) يعني ( قد الإبره ) ، وطفح الصراع على السطح .
أها الكهربه الحبشيه ــ الكهربه الكهربه وليس كهربة نزار المجري ــ تجي ولا ما تجي ؟ والناس تغير سلوكا ولا ما تغير ؟!!

[awadhaba]

اقتباس:
أرسل أصلا بواسطة sawsan m alhassn http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=44961#post44961)
اخير الزول يكون بعيد ويسد دي بطينة ودي بعجينة ويكون اطرشا في الزفة ... من وجع البطن وحراق الروح ... وكل يوم افتح لي جريدة بطني بتطم .... ولا اجرؤ ان افرغ مافي جوفي حتي لا اتهم بالحياة ...

ناس الراي العام يوم تلاتة في شهر تسعة الفات دا بكل فرح كاتبين خبر علي استحياء السودان حا يشحد اقصد حا يستورد كهرباء من اثيوبيا ... سجم خشمي وطيب سد مروي دا شنو قادننا سنين مروي الحلم مروي الانجاز مروي ال...... ولمن الناس طلعت تكورك تراثنا ... حضارتنا ... نهرونا يا جماعة الحي ابقي من الميت اصنام شنو دي كهربا دي تنمية دي حا نبيعها لافريقيا والعالم عشان نجيب ليكم هدوم العيد اقصد عشان نجيب ليكم عملة صعبة ويوم اوكامبو قال الراجل دا مجرم قام ينطط فينا حمانا النوم الرد الرد كهربا وسد ما تقولوا الراجل كضاب حاشاهو السد عملوا سد نفسنا من الدنيا الا الكهرباء دي بقت حجوة ام ضبيبينة والليلة حايم بالفريق بيشحد فيها من اثيوبيا وين .... الرماد كالنا ... القاعدين منتظرين الضبح .....

ما بزيدكم ... كدا كفاية عشان النوم دا يطير من عيونكم الليلة ...


لكن اكيد بكرة راجعه ليكم بوجع بلد كامل .... راجي اليدخل اصبعو في جوفو ويقول اااااااااع .... تقدروا ؟؟؟؟



الاخت سوسن بوستك افتكرتوا وجع ستات تياب غالية ولا كريمات معدومة لكن لقيت القصة
فيها قفيل اضان بالطين والحمد لله ممكن نصدروا للامريكان واما العجين تلقيه وين يابت الناس
دايرة ترفعى الدولار لى وين ويقوموا ناس السوق يلموا الباقى والموية مافى
ثم إنت لسع بتقرى جرائد والله انت من العصرالحجرى اخير ليكى تشوفى برنامج الدعايات واوعك
تتابع المسلسلات تودرى الكهرباء وتعالى جيبى اضانك الحكومة حتجيب بطاريات واعملى ليكى
لمبة من حسى وحديكى نصيحة اضانك ديل فتشى ليهم دباسة كبيرة ودبسيهم لانوا اثار الانتنات
والموبائلات كبيرة والله يسالك كان اشتريتى جريدة وفريهم للبندول ولك منى المنى وتحية الصحة والعافية
اضافة وملحوظة
لقيتك بتفتشى وجع البلد وعايزة تختى اصابعنا فى جوفنا هههههههههههههوى ماقطعوها مننا زمان وبقينا نستخدم المصاصة

[نزار المجرى]

سوسن000

مالك00؟؟

الوجع راح ولا شنو ؟؟؟

[ابو فارس]

ونس :تنفيذ مشروع الربط الكهربائى بين مصر والسعودية عام 2013.
أكد وزير الكهرباء والطاقة الدكتور حسن يونس أنه سيتم البدء فى تشغيل مشروع الربط الكهربائى بين مصر والسعودية فى عام 2013. وقال يونس -فى تصريحات للصحفيين على هامش مشاركته فى مؤتمر صناعة الطاقة الكهربائية بالكويت الاحد - إننا بصدد مسح مسار الخط الكهربائى الذى سيربط بين مصر والسعودية وكذلك التصميمات من قبل استشارى عالمى يقوم بوضع مواصفات المشروع تمهيدا لطرحها على الشركات الموردة لمعدات وتجهيزات الربط الكهربائى. وأضاف أنه يجرى الاتفاق على وسائل وطرق التمويل المختلفة لهذا المشروع وهناك برنامج كامل فى هذا الصدد للبدء فى تنفيذ هذا المشروع عام 2013. وأشار يونس إلى أن الربط الكهربائى الخليجى على وشك الاكتمال وأن الربط الكهربائى بين مصر والسعودية هو بداية للربط الكهربائى الشامل ووصف ذلك بأن من شأنه تحقيق التكامل الحقيقى بين الدول العربية. وأكد أنه لا تنمية بدون الكهرباء وعلى الدول العربية أن تعمل علي توفير الطاقة الكهربائية ببدائلها المختلفة. وقال يونس إن مصر تعمل على تنويع مصادر الطاقة لتأمين الطاقة الكهربائية لخدمة أغراض التنمية ، مشيرا إلى أن هناك خطة فى هذا الشأن حتى عام 2027. وحول مؤتمر صناعة الطاقة الكهربائية المنعقد حاليا بالكويت أكد يونس أن لقاء الوزراء والمسئولين العرب فى أى منتدى هو تحقيق للتكامل فى الرؤى والسياسات وتبادل الخبرات على المستوى العربى ، مشيرا إلى أن المؤتمر يهدف إلى دعم التعاون بين الدول العربية فى مجال صناعة الطاقة الكهربائية. شارك يونس فى افتتاح معرض صناعة التجهيزات والمستلزمات الكهربائية المقام على هامش مؤتمر صناعة الطاقة الكهربائية بالكويت الذى افتتحه رئيس الوزراء الكويتي الشيخ ناصر المحمد الصباح اليوم.ونحن نستورد الكهرباءمن الحبشة . وان اردتم ان نوفرها لكم من مرتباتنا هنا في السعودية عبر بوابة ثغرنا الباسم بور السودان فلا مانع لدينا نحن المتغربين

[نزار المجرى]

اقتباس:
أرسل أصلا بواسطة نزار المجرى http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=46500#post46500)
سوسن000

مالك00؟؟

الوجع راح ولا شنو ؟؟؟

[mohamed taha mohamed taha]

ياسوسن بالله ورينى حاجه واحده ماشه كويس ؟ الليله حنشحد كهربا
وبكره قروش وبعدو....مويه ....وبعدو ...ناس واخر حاجه حنشحد .......بلد تلمنا...

[منير حسن منير]

اقتباس:
أرسل أصلا بواسطة mohamed taha mohamed taha http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=48306#post48306)

واخر حاجه حنشحد .......بلد تلمنا.. أو..... دهيه تخُمنا !!!!
بلد توزع في جنسيتا لي لعيبة الكوره البجيبوهم ناس جمال الوالي وصلاح ادريس تقول البلد دي بتاعة أبوهم !! بلد تلم عليها أي زول يجيها طاشي من أي حته ،، في حين كل أبنائها ( طاشييييييييييين ) في فجاج الدنيا الأربعه يبكون حال بلدهم ويندبون حظهم العاثر في الورطه الدخلوا ( أو أُدخلوا فيها ) ..... :confused: :mad: :eek:

مسمار النُص :

مهمد تاها ،، تهديدك لي قائم ولا سحبته عشان أحيب معاي قريبي وصديقك قسوم ؟

[awadhaba]

اقتباس:
أرسل أصلا بواسطة منير حسن منير http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=48309#post48309)
اقتباس:
أرسل أصلا بواسطة mohamed taha mohamed taha http://www.nubian-forum.com/vb/madaar/buttons/viewpost.gif (http://www.nubian-forum.com/vb/showthread.php?p=48306#post48306)

واخر حاجه حنشحد .......بلد تلمنا.. أو..... دهيه تخُمنا !!!!
بلد توزع في جنسيتا لي لعيبة الكوره البجيبوهم ناس جمال الوالي وصلاح ادريس تقول البلد دي بتاعة أبوهم !! بلد تلم عليها أي زول يجيها طاشي من أي حته ،، في حين كل أبنائها ( طاشييييييييييين ) في فجاج الدنيا الأربعه يبكون حال بلدهم ويندبون حظهم العاثر في الورطه الدخلوا ( أو أُدخلوا فيها ) ..... :confused: :mad: :eek:

مسمار النُص :

مهمد تاها ،، تهديدك لي قائم ولا سحبته عشان أحيب معاي قريبي وصديقك قسوم ؟



الاخوة منير حسن منير ومهد عود
لكم ودى وتقيرى
اولا حبيبنا مسمارك متكيف منو بس ما يكون نص الحقيقة لى حكاية مع المسامير والكمسا مرة تانية احكيها ليك
لكن داير اسالك قسوم ديا شاكوش ولا كماشة عشان تجيبو لى مهمد عوض
ياخى من الحاجات اللى توجع غير الكورة الناس اللى بتشترى المصانع القائمة وتوقفها ما توقف كورتها البايخة وجلساتهم الفارغة وامشى شوف بياطار ولا يهمك حنصالحك مع مهمد عود
لانك زوق