افراح آل قسوم وآل شورة !!

[gassoum]

الزمان :مساء امس الخميس الخامس من رجب 1431 هـ
المكان : ينبع ـ المملكة العربية السعودية

في حفل بهيج اعقبه حفل غنائي صاخب استمر حتى الساعات الاولى من فجر الجمعة
تمت مراسم خطوبة الشاب الوجيه كمال حسن منير ( من شباب ارقين جنوب )
على
الحسناء سليلة دار جعل الشابة : دعاء الهادي الياس
المناسبة السعيدة كانت فرصة لأجتماع الاهل والاحباب الذين توافدوا من مكة المكرمة وجدة والمدينة المنورة باقاربهم بمدينة ينبع ،، ولهم التحية والتقدير خاصة اسرة الاخ الفاتح ابراهيم طه والاخ جعفر العمدة والاخ حسن يوسف .
التهاني نزفها للعروسين والاخ منير حسن منير واسرة آل منير بالسودان
ودامت الافراح

[Nuraddin Mannan]

نهنئ بحرارة بمناسبة الغزو النوبى لدار جعل... جعله الله زواجا ميمونا وبالمناسبة ناس جعل ديل نوبيين اصلا ويمكن يكونوا نوبيين أكتر من نوبيين اليوم لو فحصوا ال dna لكين نقول شنو وهم مصرين انهم عباسيين والعباس ما كان عندو ذرية ... المهم دعواتنا بزواج ميمون والعروسة لازم تاخد كورس جامد فى اللغة عشان "الإندماج" فى المجتمع النوبى بقوة والشفع يجوا نوبيين صر...
مبروووووووك.

[الوسيله عباس]

تهانينا,,لآل قسوم ولآل
شوره,,وللعريس,,,والعروسه,,الجعليه,,,,

ويا منا ن يافنان,,,إنشاء الله أهلك,,فى الريان,,,,يكفينا الشوايقه,,,ما تد خلينا جعل كمان,,,

[ELFATEH IBRAHIM TAHA]

بعد الامكنة وظروف العمل حالت دون تواجدنا معكم باجسادنا ولكنا كنا معكم قلبا وقالبا.
واود ان اطمان الاستاذ منان انها جعلييه تجميع المملكة والمشكلة حتى ولدنا العريس تجميع الخرطوم لكن اهم حاجة انو بيرطن .
تهانينا لال منير ( الكبير مش بتاع مكة) وال قسوم وال شورة وجميع المرمادوكية ( جنوب ارقين)

[نجم الدين فتوح محمد]

جعلة الله زواجا مباركا ميمونا ورزقهم بالمال والبنون ( من تزوج فقد اكمل نصف دينه فليتق الله بالنصف الاخر) واستوصوا بالنساء خير. الدنيا متاع وخير متاع الزوجة الصالحة . مع اجمل التهانى لاهل العروسين

[عاصم جريس]

التهانى الحارة للعريس كمال والعروسة دعاء بمناسبة الخطوبة وعقبال الليلة الكبيرة والتهانى موصولة لآل قسوم ولآل شورة ولآل منير والأخوان بالمنتدى .

[khalil eisa]

نبارك للاستاذ منير حسن منير عضو المنتدى النوبى العالمى وحبيب الكل خطوبة شقيقة كمال
وانشاالله ربنا يتتم الافراح
كنت مدوعا للمشاركة من قبل العمدة قسوم ولكن الظروف لم تسمح انشا الله فى العرس
والمباركة موصوله لكل الاحباب فى ارقين
تقبلوا مودتى

[mohamed taha mohamed taha]

الحبيب قسووووووووووووووووووووووووووم
تهانينا القلبيه لكم وللحبيب منير حسن منير ومحمد احمد منير وجميع اهالى ارقين بهذه المناسبه السعيده . اللهم اجعل ايامنا كلها افراحا .وحليل ايام زمااااان يا قسووم ياريتنا كنا معاكم .الا بالمناسبه هو منير غاطس فين اليومين دول .وعشان ما افتح بوست جديد
يا قسومنا نبارك ليكم عقد قران ابنة الحبيب منير بسطان من ارقين ( نمسك الحشب )
قبل يومين .والزواج كان بحلفا القريه 11 .والحبايب سافرو لحضور الزواج جمال نورى واحمد الزبير التجانى وطاهر محمد طاهر ويحى شبابه ويحى وراق وحمد النيل
وفقدناكم يا قسووووووووومنا .

[منير حسن منير]

الشكر موصول لكل المهنئين بالخطوبة وعُقبال أنجالكم وأنجال أنجالكم يارب ،، وربنا يديم المعروف ويكتر الأفراح والليالي الملاح .
شكراً للباشمهندس قسوم الذي ( فك ) الخبر على الاسفير وقد كان هو نجم الحفل بحق مع والد العروس ، ولا ننسى كمال الكونت العضو الحاضر / الغائب في المنبر وأسرته ، وللأخوان ألياس قسوم وأسرته وحموده محمود بلال وابن الخاله كمال فتحي الذين كانوا خير سند وعضد وتقلونا بي الجد .
الشكر كل الشكر للأخ الغالي الفاتح ابراهيم طه وأسرته الفاضلة وبنت الخالة الذين قاموا بالواجب و( بيضوا وشنا ) ، والشكر أيضاً للأخ جعفر وأسرته وإن شاء الله نشاركهم في أعراس الأولاد والبنات .
أسعد الله أيامكم جميعاً وبارك في ذرياتكم وأعماركم .
ولي عودة مع تعليقات السفير نوري جليله والعمدة خليل والفاتح ومحمد طه والوسيله .. فأنتظرونا بعد الفاصل
وأبعد أيدك عن الماوس لغاية ما أجيكم راجع .

[سارة يوسف]

الأعزاء منير نفيسة وقسوم
وكل ناس ارقين .. فرع النوبي العالمي
مبروك خطوبة كمال علي دعاء
وقالوا العروسة جعلية لكن
Made in Saudiarabia
وانا بقول ..دي احلي خلطة
وبيت مال وعيال

التهاني والتبريكات
سارة يوسف

[منير حسن منير]

اقتباس:
أرسل أصلا بواسطة سارة يوسف

Made in Saudiarabia

سارة يوسف

حلوه ميد إن سعودي ارابيا دي يا ساره سرور الماهي كرور ،، الله يجازي محنك انتي بتجيبي الكلام الزي الألغاز من وين ؟ شكراً على متابعتك ( أون لاين )،، قبلك كتب الفاتح ابراهيم طه ان العروسه جعليه ( تجميع السعودية) و( العريس ) حلفاوي تجميع الخرطوم ،، بالله شوفي الخلطة دي ولا أكبر خلالالالالالالالالالالالالالالاط اسمنت ما يطلعه ،،، لك كل الود والتقدير

[سارة يوسف]

شكراً على متابعتك ( أون لاين )،،


هههههههههههههههه

ملعوبة يا منير نفيسة

كوييييييييس يا ابو طلال ... واطاتك أصبحت


سارة يوسف

[محمد ابايزيد]

الحمد لله الذى جعل الناس شعوبا وقبائل ليتعارفوا وجعل تفضيلنا عنده بالتقوى
التهنئه موصوله للاخ منير حسن منير وكذلك لآل قسوم وجمع الله بينهما على خير
الف الف مبروووك

[فريدة محمد محجوب]

هير سلاتو الييك يا ميمد آشق النبي سل عليك....يللللل يللللل

باقة ملونة ومشكلة من كل مشاعر الفرح والاماني الحلوة والغبطة والسرور واجمل التبريكات ومغلفة باهازيج الغناء بالطار والطنبور نهديها للغالي ابن الغاليين (الف رحمة ونور عليهم) كمال ولعروستو الحلوة من دار جعل ....والتهنئة موصولة للأعزاء منير واخواته واخوانه وقسوم وكل آل شورة وآل قسوم وكل دار جعل وعقبال بيكم نفرح يا الحلوين في الليلة الكبيرة.....
ما شاء الله ربنا يتمم بخير انشاء الله

[منير حسن منير]

اقتباس:
أرسل أصلا بواسطة فريدة محمد محجوب
هير سلاتو الييك يا ميمد آشق النبي سل عليك....يللللل يللللل

باقة ملونة ومشكلة من كل مشاعر الفرح والاماني الحلوة والغبطة والسرور واجمل التبريكات ومغلفة باهازيج الغناء بالطار والطنبور نهديها للغالي ابن الغاليين (الف رحمة ونور عليهم) كمال ولعروستو الحلوة من دار جعل ....والتهنئة موصولة للأعزاء منير واخواته واخوانه وقسوم وكل آل شورة وآل قسوم وكل دار جعل وعقبال بيكم نفرح يا الحلوين في الليلة الكبيرة.....

ما شاء الله ربنا يتمم بخير انشاء الله
شكراً يا بت العم والخاله ،،،، وعقبال بيكم يا الحلوين دي تشملنا أنا والباشمهندس قسوم ولا كيييف ؟ إذا كانت اجابتك بـ( نعم ) ؟ تبقى ( واطاتنا أصبحت ) خاصة الليله الكبيره دي ،،، كبيره قدر شنو ؟ ( كيلو ) مثلاً ؟ على قول عادل إمام
ولدنا ولد أبايزيد : متشكرين منك ( تعبير لبناني بحت لعشاق نانسي عقرب وهايفه وهبي ) وعقبال ما نفرح بي كل الغاليين والحلوين على قول فريده شوره ( الما حلوين يمتنعون ويبتعدون شويه بعيييييد ) .
أبعد أيدك عن الماوس ،،،، أنا جايي راجع

[فريدة محمد محجوب]

اقتباس:
أرسل أصلا بواسطة منير حسن منير
اقتباس:
أرسل أصلا بواسطة فريدة محمد محجوب
هير سلاتو الييك يا ميمد آشق النبي سل عليك....يللللل يللللل

باقة ملونة ومشكلة من كل مشاعر الفرح والاماني الحلوة والغبطة والسرور واجمل التبريكات ومغلفة باهازيج الغناء بالطار والطنبور نهديها للغالي ابن الغاليين (الف رحمة ونور عليهم) كمال ولعروستو الحلوة من دار جعل ....والتهنئة موصولة للأعزاء منير واخواته واخوانه وقسوم وكل آل شورة وآل قسوم وكل دار جعل وعقبال بيكم نفرح يا الحلوين في الليلة الكبيرة.....

ما شاء الله ربنا يتمم بخير انشاء الله
شكراً يا بت العم والخاله ،،،، وعقبال بيكم يا الحلوين دي تشملنا أنا والباشمهندس قسوم ولا كيييف ؟ إذا كانت اجابتك بـ( نعم ) ؟ تبقى ( واطاتنا أصبحت ) خاصة الليله الكبيره دي ،،، كبيره قدر شنو ؟ ( كيلو ) مثلاً ؟ على قول عادل إمام
ولدنا ولد أبايزيد : متشكرين منك ( تعبير لبناني بحت لعشاق نانسي عقرب وهايفه وهبي ) وعقبال ما نفرح بي كل الغاليين والحلوين على قول فريده شوره ( الما حلوين يمتنعون ويبتعدون شويه بعيييييد ) .
أبعد أيدك عن الماوس ،،،، أنا جايي راجع


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


منير نفيسة يا خوي ما تجوط الواطة ........عشان لا واطاتكم لا واطاتي ما تصبح!!!!!
سؤال برئ هسع انت وقسوم تهرة نسلة دخلتو في زمرة الحلوين ولا شنو؟؟؟؟

الحلوين العرسان وبث!!!

الليلة كبيرة بمقام آل شورة وآل قسوم......اها كان فالح قول وزنها قدر شنو؟؟ قدر الكون دا كلو ....واكتر بكتير



فليشيا تفيدة

[ELFATEH IBRAHIM TAHA]

الحمد لله الفطيتوني انا واخوي كمال كونتي يا منير نفيسة وحكم قسوم الوداكم تهبشوا شنو وبعدين يابت الخالة فلوشة العجايز ديل هابشاهم مالك

[منير حسن منير]

الفاتح يا حبيبي : انا قلت ليك في بوست سابق عن الأعراس في حلفا ــ كتبه الأستاذ محمود أوشي ــ انه الباشمهندس قسوم والحبيب الكونت ديل دُفعة ( سيدي كمنجه ) الله يرحمه ويحسن اليه ، وما ترصني معاهم ،،، تقولي العجايز ديل ؟ ده كلام شنو ؟؟
ديل لمان كانوا بيقروا في أرقين الأولية ، نحن كُنا ياااا بنلعب بي عربية الصفيح ، يا كمان كُنا ما اتولدنا ،،، ! انت داير الجماعه ( يلجنونا ) ولا شنو قصدك ؟

مسمار النُص :

خلي لعبك خفييييف شويه عشان ما تتعور !!

[ELFATEH IBRAHIM TAHA]

يا منير نفيسة ماتتهرب نحن ناس تجميع الخرطوم ديل ما بنعرف ميلادهم اما الشالو الصواني وباروا سيد كمنجة رحمة الله عليه يعتبروا دفعة ونحن في وسط ارقين مما تهرة هجلة تجي شاقة حتتنا ونسمع نفيسة نوري جابت ولد نعمل ليه حساب

تخريمة:
مرة عوض صالح فضل جا الحج وقابل علي صفرة في بحره قال ليه ياعوض انت ماشي الحج عايزك تسامحني لانني كنت فتنت بينك وبين توفيق ابايزيد زمان .
قال كنا نخاف منك و من توفيق وجيتك وقلت ليك توفيق جبان هراش وبس اول مايجيك اديو كف في وشه على طول يخاف منك ويعملك حساب .
مشيت قلت لتوفيق عوض ده ما عامل ليك اي حساب وقال في اول عرس حيكفتك انت طوالي اديهو بالجزمة في وشه حيعملك حساب .
وفي اول مناسبة نادى عوص وحسب وصية علي صفرة اداه كف فما كان من توفيق الا ان اعطاه بالجزمة في وجهه.
وحكى عوض انه لم ينم تلك الليلة وقال ليه كان الحكاية حصلت حسع مؤلماني وسامحهه

[فريدة محمد محجوب]

اقتباس:
أرسل أصلا بواسطة ELFATEH IBRAHIM TAHA
الحمد لله الفطيتوني انا واخوي كمال كونتي يا منير نفيسة وحكم قسوم الوداكم تهبشوا شنو وبعدين يابت الخالة فلوشة العجايز ديل هابشاهم مالك


فاتح انين بسين تو

منير ناني اقا بجكا نمي!!!! تركو لاقا ايتنكا كيراتي.....

[mohamed taha mohamed taha]

قسوووووووووووووووم يا حبيبى انت حتلم
الفاتح ومنير ديل واللا افرتقها ليكم ؟واحد جاب سيرة كمال كونت والتانى توفيق ابايزيد
وازيدك من الشعر بيت قبل كده الفاتح فلق كمال كونت بى علبه قديمه وقام جارى لمن جاب دمو واطه ( كدى قول ليه انكر ؟ ) طبعا الفاتح انا ( أنجوتيه ) وما قادر اقول
( الحال ) لانو الحرف معطل .وبعدين تعال هنا انا وانت مش كنا حبايب ضد منير واللا
شفت ليك سكه تانيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

[سوزان شينكو]

أجمل التبريكات والتهاني نزفها لأسرة منيير وآل قسوووم ...وآل شورة بمناسبة خطوبة الأخ/ كمال حسن منيير ....

والف الف الف الف الف الف الف الف
الف الف الف الف الف الف الف الف
الف الف الف الف الف الف الف
الف الف الف الف الف الف
الف الف الف الف الف
الف الف الف الف
الف الف الف
الف الف
الف
مبروووووووووووووووووووك
عقبال الزواج

الله يوفقهم ويسعدهـم ويتمم لهم على خيير........

دبوسه حادة:

يا منيير زعلانه حبتيين...زعله صغنونه كده ...تخلو قدحنا وتغطوا قدح الجعلتيه كمان تجميع السعودية..طيَيَيَيَيَيَب،،، ألف مبروووك للعرسان...وعقبال للدايريين يدبلو...

وربنا يكتر الأفراااح

[ELFATEH IBRAHIM TAHA]

والله من امبارح كنت عايز اكتب ليك ولكمال كونتي.
بالمناسبة انت لسع ما لقيت حرف ( خ ) ما ضروري خليني حالك بدل خالك .
وكمال كنتي ما لاقي الكي بورد ولا شنو.
خليك بعيد من ناس ديل وخش معانا وزارة ناس سوزي وفلوشة وسارة احسن ليك

[بنت ارقين]

السلام عليكم يا محمد طه
بالله كيف يفوت عليك اسم طارق محجوب رضوان الذي كان من أول الحضور والذراع الأيمن لوالد العروس ....
يخســـــــــــــــــي عليك !!!

[عبد الرحمن صالح عثمان]

أفراح آل قسوم وآل شورة


خالص التهانى للاخ العزيز منير وللعريس كمال أمنياتنا بزواج ميمون وبيت مال وعيال وبالمناسبة فأنا من نفس عائلة قســوم بواســطة والدتي فاطمة عثمان خليل ( رحمها الله ) وكانــت حبوبتــى دهيبــة ناطـــــــق
( رحمها الله) تربط كل أهل قرقودة فى كل من أرقين ومناطق وادى حلفا
مع بعضهم البعض وكانت على دراية تامة بصلة القرابة أما جدى عثمان خليل ( رحمه الله ) فكان فى سلادوس ( حجاج ) وكان لديه مجموعة كبيرة من النخيل قصاد مدينة وادى حلفا وهذه النخيل كانت مشهورة بـ ( عثمان خليلن فنتى ) وتزوج جدى عثمان خليل الوالدة المصونة سعيدة يس والتى كانت ترعانا كأبنائها الى أن توفى جدى عثمان خليل بالقرية (11) أرقين جنوب ثم توفيت والدتنا سعيدة يس (رحمها الله )

الفرح فرحنا جميعا ونتمنى من الله أن تدوم الافراح دائما وخالص التهانى لكل آل قسوم وآل شورة وتحياتى لكل من شارك فى الفرحة ولو بكلمات بسيطة مثلى 0

[ام ميود]

ازف احر التهاني واعمق التبريكات للعروسين وجميع الاهل بمناسبه الزواج الميمون ..

اسال الله ان يجعل التوفيق حليف العروسين وبالرفاه والبنين..

[mohamed taha mohamed taha]

كتبت ردا هنا ( مداحله ) للفاتح ابراهيم طه
وبنت ارقين .ولا اجده الان ؟؟؟؟؟؟ لا ادرى هل السبب لابتوبى المنيل ده . واللا
ارتأت الاداره عدم نشره ؟؟؟؟؟ أرجو من الادمن التوضيح لانى ما كاتب فيه اى سب او
كلام غير لائق او اى شئ من هذا القبيل .وجائز اكون كتبت حاجه غلط وانا ما فاهم ؟؟
وجائز الادمن فهمنى غلط . وجائز ( الغفير ينعس ) وكلو جائز .المهم ارجو التوضيح
يا ادمن ويا اداااااااره . ولكم جميعا الشكر والتقدير .

[khalil eisa]

اقتباس:
أرسل أصلا بواسطة mohamed taha mohamed taha
كتبت ردا هنا ( مداحله ) للفاتح ابراهيم طه
وبنت ارقين .ولا اجده الان ؟؟؟؟؟؟ لا ادرى هل السبب لابتوبى المنيل ده . واللا
ارتأت الاداره عدم نشره ؟؟؟؟؟ أرجو من الادمن التوضيح لانى ما كاتب فيه اى سب او
كلام غير لائق او اى شئ من هذا القبيل .وجائز اكون كتبت حاجه غلط وانا ما فاهم ؟؟
وجائز الادمن فهمنى غلط . وجائز ( الغفير ينعس ) وكلو جائز .المهم ارجو التوضيح
يا ادمن ويا اداااااااره . ولكم جميعا الشكر والتقدير .




الحبوب
mohamed taha mohamed taha
سلام مربع
مافى زول هبش مشاركتك
راجع اقرب مركز صيانة
او اتصل بى صديق
حتضحك لو عرفت انو العمدة قسوم بياخد كورسات فى الحاسب الالى من سارة محمد الحسن عبر الاسكاى بى
ممكن قسوم يشوف ليك فرقه
وهسع الاستاذة اختفت فى ظروف غامضة وصاحبك راسو مقطوعه
تقبل مودتى

[mohamed taha mohamed taha]

ابو عيسى انت الاحب.
معقول بالسرعه دى تطييب ( الهاتر ) . والله الفار ابتدى يلعب فى عبى لو ما لحقتنى بى
المضاد ( الحيوى ) ده .وعموما حاكتب الرد تانى واعمل حسابك المره دى فيها رد شرف .
انت الاجمل والاكمل والانبل والانضر وكفايه لا يزعل علينا مصطفى الاغا .وبعدين ساره
محمد الحسن دى طاشه وين ؟؟؟؟؟؟؟ بالله جندو ليها زول يفتش عليها .ولو ما لقيتوها
قول لى قسسسسسسسسسسسوم يرجع لينا سيفيهاتنا ( انت رجع لى رسايلى ) .

[mohamed taha mohamed taha]

ال(حال ) العزيز الفاتح لك اجمل التحايا وللاسره الكريمه . والله حرف الحاء ابو نقطه ده رايح منى ليه زمن ما لاقيهو .زى الموز ابو نقطه بتاع زمان والبرتكان ابو صره بتاع حسع . كمال كونتى صاحبك ده
ولج المنتدى النوبى قبل 4 شهور . وفتش فتش كدااااااا , لقى ليه غرفه مكيفه تمام
وفى اقرب سرير اتغطى ونام . وعليها للان .
العزيزه بنت ارقين أأأأأأأأأأأأأأأأسف جدا والله ما نسيت طارق عن قصد بس السرعه وكده !!!! .وعشان ما تزعلى ( طارق كمان ) . واليوم كان معاى فى اليوم الصحى والعلاجى لابناء ارقين .و بالمناسبه هو فرده .بس انا داير منو قرشين ( فرينى ) بتاع زماااان .سلفتها ليهو , لو لاقيتيهو شيليها لى منو .

[gassoum]

الحمد لله الفتحنا بوست العرس ده والشلة اتلمت فيهو
انت يا محمد طه لينا زمن نفتش ليك تدخل المنتدى بعد الناس تنوم وتزوغ زي ود الموية قبل ما نمسك فيك انا وود عيسى العمدة ،،،
حفل الخطوبة بتاع اخونا كمال جابك عشان الحفل كان على شاطي البحر الاحمر وذكرك بمامضى لما جيناك قاطعين 150 كيلو وتهنا في استراحات ابحر يا عريس !!وكنا حالفين بالمشاعر !!! دة كان صباحي زي يوم داك !!! بس الفرق تعدد اللغات !!
والفنان كان عربي بينطق حرفك الرايح منك تمام !!!
والرقيص بدل الفججي كان عرضة !! تنقز عالي !!! ناقص الجلد !! احنا برة !!
لكن اظرف حاجة يا ميدو لما لقينا الايقاع قريب قلبنا الرقصة نوبيه من الجانبين
اما منير صاحبك ،، لما لقانا عليه عمل هدنة لغاية الاختبارات وقال راجع ،، شد حيلك وصلح اللابتوب بتاعك المنيل دة تقول عليه جديد وما قادر تلقى حرف الخاء ابو نقطة من فوق ؟؟؟ البس شراباتك والعب سويدي يا فردة العطلات بدت !!
والحمد لله تاني اتلمينا ساعة خير ،،،
وباقي الشلة يلحقنا ،، وعقبال العديل والزين لكل المنتظرين وكل الناوين ،،،،
وبرجع ليك ،،

[gassoum]

أجمل التبريكات والتهاني نزفها لأسرة منيير وآل قسوووم ...وآل شورة بمناسبة خطوبة الأخ/ كمال حسن منيير ....

والف الف الف الف الف الف الف الف
الف الف الف الف الف الف الف الف
الف الف الف الف الف الف الف
الف الف الف الف الف الف
الف الف الف الف الف
الف الف الف الف
الف الف الف
الف الف
الف
مبروووووووووووووووووووك
عقبال الزواج

الله يوفقهم ويسعدهـم ويتمم لهم على خيير........

مشكورة وممنونة يا بتنا على التهنئة الجميلة دي ،، ومع تمنياتنا بالسعادة لكل العرسان من الاخوة والاخوات ،،
تحياتنا

[gassoum]

اقتباس:
أرسل أصلا بواسطة khalil eisa
اقتباس:

الحبوب
mohamed taha mohamed taha
سلام مربع
مافى زول هبش مشاركتك
راجع اقرب مركز صيانة
او اتصل بى صديق
حتضحك لو عرفت انو العمدة قسوم بياخد كورسات فى الحاسب الالى من سارة محمد الحسن عبر الاسكاى بى
ممكن قسوم يشوف ليك فرقه
وهسع الاستاذة اختفت فى ظروف غامضة وصاحبك راسو مقطوعه
تقبل مودتى

يا عمدة
لسه ما مرت 25 سنة لفتح ملفات وردية الليل ولا حتى 25 اسبوع ،،،
والحقيقة ما لحقنا نكمل كورس الحاسوب يا محمد انجتي ولا دروس اللغة الاسبانية !
وزي ما العمدة قال الاستاذة اختفت في ظروف غامضة وجاري البحث عليها بواسطة البصاصين المعتمدين لدينا ،،
اما طلبك تجنيد فرقة خاصة بالمهمة المذكورة
اقترح تكليف مكتب الوكيل الرسمي الوسيلة بالبحث وفي حالة عدم العثور اعادة السيفيهات ومن بينها اوراقك ،،، بس ما تستعجل عشان طلبك كان ليهو اسبقية وكده !!! والشروط مقبولة نسبيا !!
وللا ايه رايك يا عمدة ؟

[gassoum]

اقتباس:

أرسل أصلا بواسطة بنت ارقين
السلام عليكم يا محمد طه
بالله كيف يفوت عليك اسم طارق محجوب رضوان الذي كان من أول الحضور والذراع الأيمن لوالد العروس ....
يخســـــــــــــــــي عليك !!!

بت ارقين
مرحب بيكي منورة المنتدى بحضورك ومشاركتك
الترحيب جاء متاخر شوية معليش ،، لكن نهانينا الحارة لكم بمناسبة زفاف بت الخال وانشاءلله بيت مال وعيال ،،،،،
تحياتنا ،

[منير حسن منير]

يا جماعة الخير : مشكورين على المداخلات الظريييييفه دي ، لكن أنا شايف انكم ( إنحرفتوا ) بي البوست !! الله يكفينا شر الإنحرافات والمنحرفين ( أهااا دي فهمتوها كيف ؟ ــ أرجو ألا تكون هناك تفسيرات بسؤ نيَه ! )
بت ناس شينكو : الله يكتر الأفراح ويهنيك يا رب بكل ما تتمنين ،، وتابعي البوست ( أون لاين ) عشان قدرنا نجمع الشُله كلها هنا ( وقام مهمد تاها إنحرف بي حافلتنا دي ) .
يا بت أرقين ،، يا ناس لندن : انتي ما قلتي ( مبرووووكين ) ،، طوالي دخلتي شمال في مهمد تاها وطنشتي ناس البوست ( على وزن ناس البيت ) مقبوله منك يا بت أختي !
الفاتح يا قريبي : ما نصحتك ( تلعب خفيف عشان ما تتعور ) ، انت مُصر ( مش مصر الفيها القاهره ) انك تصفني مع دفعة ( سيدي كمنجه ) المرحوم . وقلت نحن شلنا الصينيه بي وراهو .. أنا ما قلت ( شلنا ) ، قلت ناس قسوم وكونتي ( شالو ) وكمان أكلوا مع الكانوا واقفين ! يبقى أييييش جااااب ، لي جااااب ؟؟؟؟ برضو بنحبك وما حنقول لي الجماعة أنك من الدفعه إياها وشلت الصواني لمن أيدك ( خدرت ) ... مُش كده ولا أيييييه ؟

مسمار النُص :

ما عاوز أخش في موضوع ( نغتي حلتنا ) دي لغاية ما ولدنا ده يخُش ونوثق أوراقه وبعدين أبقوا ( فنجطو ) زي انتو دايرين .

[بنت ارقين]

تسلم يا قسوم المنتدى منور بأهلو وناسو !!!
ويا منير :
سوري اسفه ما قصدته
مبرووووووك ليهم...

[محمد سيد احمد]

مبروكين ناس ارقين
ومباركة خاصة للعريس والعروس
وكمان وكما قيل "عقبال العديل والزين لكل المنتظرين وكل الناوين "
مسمار نص
زي الفهمت انو العريس هو منير واكتشفت لاحقا ان صاحب مسمار النص هو اخو العريس وليس هو العريس وش تمنيات وكده يمكن ..........

[منير حسن منير]

يا محمد سيد أحمد : تحياتي وسعدت بزيارتك للبوست الله يديك العافية ،،
تانياً : أنت ليييييه داير تجيب لينا هواء ساخن وأمطار صيفية محملة بأتربة وغبار كثيف يحجب الرؤية ؟ داير تعرس ليَ ؟ مالك عليَ ،،، أنا كنت عملت حاجه ولا حاجه ؟
البوست ده كله يكورك : كمال خطب ،،، كمال خطب . تجي انت تقول أنا كنت قايل منير العرس ؟ هسع الجاب سيرة العرس غيرك منو؟؟ ، ( إلم سُولتون إتراا تفي ؟ ) عاوز تودينا في داهيه الله يهديك .

مسمار النُص :

أنا ما خاااااايف ،،، لكن الإحتياط واجب في الزمن ده !!!!!!

[معاوية وهبى]

التهاني والتبريكات للعروسين ولأهل العروسين وناس أرقين أجمعين وعقبال بقية الشباب والشابات ( جعلية - شايقية - سكوداوية - حلنقية - ألخ ) طالما تمت الموافقة بين الطرفين نبقي نحن سودانيون ودا المهم
ومعليش التهنئة جات متأخرة شوية

[عبده محمد مكين]

الف مبروك للعريس والتهنيه لكل ال قسوم وشورة وتهنيه خاصة للاخ منير وكبيرنا متوكل والدفعة فيصل ودامت الافراح

[abuahmed]

يسعدنى أن تكون أول مشاركاتى فى المنتدى أن أشارك

أفراح آل قسوم آل شورة

أفراحهم

ألف ألف مبروك للعريس و العروس

مبروك يا منير مبروك يا قسوم

أبوأحمد

[فريد شورة]

ياجماعة الف الف مبروك وعقد قران ميمون بالمال والعيال وجعل الله ايامنا كلها افراح اخوكم فريد (شورة)

[فكري حلفا]

بسم الله الرحمن الرحيم

اولاً وقبل التهنئه سبق وان قلت لكم فكري كرور مرماد وامبي راجل درويش وما عارف اي شيئ في مسأله التكنولوجيا وما شابهه ذلك ،يعني بالعربي ما زال ذلك راعي غنم المرحومه طاهره شوره والدته ولم يتحرر بعد من ركوب حمار عيديه وخيري شوره وحسن طاهر ،، يعني لاهولندا ولا اوربا ولا كل غربة سنينه ما غيرت وما بلورت او غذت فيه ما يدور في ردهات النت، والدليل انه انه كان طيلة هذه المده حبيس المنتدي العام ، والصدفه رمت به اليوم في ملتقي لقاءتكم ، فعوفاً احبتي والعتب (عليكم) ولم تأخذو بيده الي مراميكم،،،

يا آل شوره ويا آل قسوم بركا بركا لوك جوجام ،، والف مبروك لابن الخال العريس والاخوان جميعاً بيت مال وعيال ان شاء الله،،،،،

اما اخونا سعادة السفير نور الدين منان فلا يعلم ان النوبيين وآل شوره بالتحديد غزوا بلاد دار جعل و الشايقيه ودخلوا الي ديار قمة المنطقه وكان غزواً طال قمة هرم حاضرتهم (كبوشيه) وتزوج خالنا المرحوم فرح سليمان شوره من ابنة عمد كبوشيه وانجب ابنة الخال الحاجه نوره فرح شوره التي لم تترك لينالها احد غير نوبي ومن آل شورة مما حدي بالخال الخليفه محمد خيري سليمان شوره (خليفه خيري شوره) الي تزويج ابنه الحاج صالح محمد خيري من كبار موظفي السكه حديد بالمعاش ،اطال الله عمره ومتعه بالعافيه ، وانجب منهاالسيد عبد الر حمن طالح وعبد الرحيم والاستاذه المرشده الاجتماعيه فاطمه صالح وبقية اخوانهم واخواتهم، ولم ينقطع حبل الوصل مماحدي بالاخ عبد الرحمن الي الاقتران بسيد من اهله هناك وبحمد الله اصبحت الاسره الآن قبيله مصغره تحمل علي متنها خليط هائل من المنطقتين,, وكما ذكرت يا استاذي الفاضل الجعل والشايقيه والبديريه وكل سكان شمال الخرطوم هم نوبه وان قال البعض عكس ذلك وا لا لما تأثرو بتاريخ النوبه في كل عاداتهم وتقاليدهم،،،،
مره اخري الدماء العريقه تظل تتجانس وتتكامل من تلقاء نفسها دون الغزو او الفرض
،،،، يا عريس مبروك عليك بي ابنة العم والخاله من اهلنا في دار جعل،،،

فكري كرور حلفا -ارقين -مرماد اورنارتي -امبي

[الكنداكة الام]

الف مبروك الخطوبة

وربنا يتتم علي الف خير

التهاني لكل الاراقنة بالمنتدي النوبي